28 декабря православная церковь вспоминает день блаженной кончины преподобного Трифона Печенгского, чудотворца (1583). Сегодня после Божественной Литургии, у Креста, установленного на месте ареста послушника Трифоно-Печенгского монастыря прпмч Феодора Абросимова, был совершен Молебен с акафистом собору Кольских святых.
Тропарь Собору Кольских святых:
Све́тлый со́нме подви́жников земли́ Ко́льския, / Се́вера тьму сия́нием ве́ры озари́вших, / отцы́ святи́и, благоче́стием преукраше́ннии, / служи́телие Та́ин Бо́жиих благогове́йнии, / боголю́бивии и́ноцы и учи́телие покая́ния, / миря́не, чи́стым житие́м Созда́телю угоди́вшии, / язы́ка ло́пскаго богому́дрии просвети́- телие и наста́вницы, / новому́ченицы и испове́дницы, за Христа́ ду́ши положи́вшии, / в го́рьких рабо́тах да́же до сме́рти Его испове́давшии, / моли́теся ко Го́споду // спасти́ся душа́м на́шим.
Кондак Собору Кольских святых:
Днесь лик святы́х, в земле́ Ко́льстей Бо́гу угоди́вших, / предстои́т в це́ркви и неви́димо за ны мо́лится Бо́гу, / приди́те, христоимени́тии лю́дии, / па́мять их почти́м и возопии́м к ним:/ ра́дуйтеся, отцы́ преблаже́ннии Три́фоне, Феодори́те и Варлаа́ме, / со мно́гими на́шего кра́я небе́сными покрови́тели, / вы бо, я́ко зве́зды святоза́рныя, во мра́це Се́вера возсия́ли есте́, / словесы́ и чудесы́ свои́ми вся просвети́вше, / и ны́не моли́теся Го́сподеви / ве́ру Правосла́вную зде незы́блему соблюсти́ // и дарова́ти нам ве́лию ми́лость.
Ублажа́ем вас, / вси святи́и земли́ Ко́льския, / и чтим святу́ю па́мять ва́шу, / вы бо мо́лите за на́с // Христа́ Бо́га на́шего.
